男人天堂

　　屋企有位老人家，闲来无事只得两个最大嘅嗜好—打麻将或者去垃圾街。去垃圾街，已经成为呢位老人家日常生活嘅一部分，就好似人哋饮茶食饭一样咁普通。呢度所讲嘅“垃圾街”，其实就系好多男士嘅至爱—陶街。

　　喺广州目中，陶街唔系一条街，而系中山六附近嘅电器城同二手货市场嘅总称。喺二十几年前，陶街就真系一条窄窄细细嘅内街，佢之所以成为“男人天堂”，完全系因为一个新旧电器交易跳蚤市场。呢个市场名气越来越大，后来附近嘅将军东、六榕都开设咗同类嘅商铺，陶街嘅范围开始扩大，而且商品类型唔再局限于电器。好似军事藏品、黑胶唱片同埋通讯器材之类，吸引咗全国各地嘅发烧友。

　　广州人中意叫陶街做“垃圾街”，可能系因为呢度可以揾到嘅嘢多到超出想象，甚至一啲已经喺市面上绝迹嘅生活用具，有耐性嘅话都可以揾得到。我哋细个嗰阵最中意嘅卡带式游戏机同任天堂，呢度都有得出售。而且，呢度嘅市场唔局限于二手货，上次屋企装修，我爸爸仲买咗个全新嘅抽油烟机返来，用过之后大赞佢“平靓正”。

　　不过，以后广州嘅男士喺陶街会少一个“据点”—新陶街要关门喇，据讲话系消防唔过关。咁又系，无论街坊有几唔舍得，最重要都系“安全第一”。希望班档主可以揾到新档东山再起，唔至于要班男士咁失落啦。杨利伟出舱时满脸鲜血

　　 文章来源于博贝棋牌850游戏